افغانستان میں ہیلی کاپٹر حادثے میں 5 فوجی ہلاک

مہر خبررساں ایجنسی نے رائٹرز کے حوالے سے نقل کیا ہے کہ افغانستان میں نیٹو کا فوجی ہیلی کاپٹر گر کر تباہ ہوگیاجس کے نتیجے میں 5 فوجی اہلکار ہلاک اور 5زخمی ہوگئے ہیں۔ اطلاعات کے مطابق حادثہ کابل میں نیٹو افواج کے ہیڈ کوارٹر میں لینڈنگ کے دوران پیش آیا۔
برطانوی وزارت دفاع کی جانب سے جاری بیان میں حادثے کے تصدیق کی گئی ہے اور حادثے کی تحقیقات شروع کردی گئی ہیں۔ حادثہ میں 2برطانوی فوجیوں سمیت 5اہلکار ہلاک اور 5زخمی ہوگئے ہیں اور ہلاک ہونے والے دیگر 3فوجیوں کی قومیت ظاہر نہیں کی گئی۔